Ազգային առաջնորդարանի ծաւալած ծրագիրները տարեկան դրութեամբ նիւթապէս հովանաւորելու կարելիութիւն ընծայելու համար, հաստատուեցաւ «ԼԻԲԱՆԱՆԻ ԱԶԳԱՅԻՆ ԱՌԱՋՆՈՐԴԱՐԱՆԻ ՏԱՐԵԿԱՆ ՓՈՔՐ ՀԻՄՆԱԴՐԱՄՆԵՐ» ծրագիրը, որուն միջոցով տարեկան նուազագոյնը $1.000 ամերիկեան տոլարի գումարով հայորդիներ կը մասնակցին Լիբանանի Հայոց թեմի բազմերես առաքելութեան:
Այս ծրագիրը կ՛ընդգրկէ հետեւեալ վեց մարզերը.
Ա.- Ներկայ եւ ապագայ հոգեւոր սպասաւորներու վերապատրաստութեան եւ կազմաւորման հիմնադրամ
Բ.- Մանկապատանեկան արտադպրոցական դաստիարակչական հիմնադրամ
Գ.- Եկեղեցիներու բարեզարդման հիմնադրամ
Դ.- Հրատարակչական հիմնադրամ
Ե.- Ընկերային ծառայութեան հիմնադրամ
Զ.- Երիտասարդներու` առաջնորդին հետ շաբաթական հանդիպման հիմնադրամ
Առաքեալին բառերով կը մաղթենք մեր առաքելութեան զօրակցողներուն. «Թող խաղաղութեան Աստուածը ձեզի կարողութիւն տայ` ամէն տեսակ բարեգործութեամբ իր կամքը կատարելու» (Եբր 13.20):
Այս գծով յաւելեալ լուսաբանութեան եւ մասնակցութեան համար հաճեցէք հեռախօսել 70-258301 թիւին կամ գրել [email protected] ե-նամակին:
Իւրաքանչիւր տարուան աւարտին, նուիրատուն նամակով եւ հաշուական տախտակով տեղեակ պիտի պահուի իր տրամադրած գումարին գործածութեան մանրամասնութեանց մասին: