Սիսեցի գաղթական հայերու ճիգերով, 1930-ին կառուցուեցաւ փայտաշէն եւ թիթեղածածկ վարժարանը, որ կոչուեցաւ Ազգային Լուսինեան վարժարան։ 1932-ին երկու յարկի վրայ կառուցուեցան երկու յարկ վեց սենեակներով, որոնք օգտագործուեցան իբրեւ նախակրթարանի դասարաններ։ իսկ մանկապարտէզը փոխադրուեցաւ Միսաք Ազիրեանի շէնքը։

1948-ին գնուեցաւ հողամասը իր երեք սենեակներով։

1950-ին վերակառուցուեցաւ տախտակաշէն եկեղեցին։ 1952-ին կառուցուեցան յաւելեալ նոր սենեակներ թիւը բարձրացնելով 12-ի։ 1963-ին դպրոցը ունեցաւ 17 դասարաններ։ Աքսոր Գասարճեան ամբողջութեամբ վերաշինեց դպրոցը, կառուցեց արդիական մանկապարտէզ մը, որ կրեց բարերարին անունը։

ՏՆՕՐԷՆՆԵՐ

• Անդրանիկ Ուրֆալեան
• Արիս Մանուկեան
• Յովիկ Պերթիզլեան
• Յակոբ Լատոյեան
• Արեգնազ Աղասարգիսեան

Վարժարանի հոգաբարձութեան անդամներն են Սահակ Խաչատուրեան, Վրոյր Մանճիկեան, Հայկ Կրակեան, Արազ Գոճայեան, Վիգի Գիզիրեան եւ Զաւէն Թղըլեան։