1924-28 որպէս դպրոց եւ եկեղեցի գործածուող տախտակաշէն մեծ սենեակը 17 Մարտ 1929-ին վերածուեցաւ փայտաշէն եկեղեցւոյ մը, որուն տարածքը շատ աւելի մեծ էր։ Տախտակաշէն եկեղեցին կոչուեցաւ Ս. Գրիգոր Լուսաւորիչ եւ գործեց մինչեւ 1960 թուական: Եկեղեցւոյ օծումը կատարուեցաւ այդ օրերու Լիբանանի Առաջնորդ Եղիշէ Եպս․ Կարոյեան Սրբազանի ձեռամբ:
Հետագային, տախտակաշէն եկեղեցւոյ տեղը կառուցուեցաւ քարաշէն նոր եկեղեցի մը, որուն օծումը կատարուեցաւ 14 Մայիս 1961ին՝ Երջանկայիշատակ Ն.Ս.Օ.Տ.Տ. Զարեհ Ա. Կաթողիկոսի ձեռամբ եւ եկեղեցին կոչուեցաւ Ս. Վարդանանց եկեղեցի: Օրուան Առաջնորդն էր Խորէն Եպս. Բարոյեան:
Տարիներ ետք, թաղի շինարարական աշխատանքներուն պատճառով նոր եկեղեցի կառուցելը նկատուեցաւ անհրաժեշտութիւն։ 30 Նոյեմբեր 1991-ին կատարուեցաւ նոր եկեղեցւոյ հիմնարկէքը, ձեռամբ Մեծի Տանն Կիլիկիոյ գահակալ՝ Ն.Ս.Օ.Տ.Տ. Գարեգին Բ. Կաթողիկոսին: Եկեղեցւոյ շինութիւնը ամբողջացաւ 1998-ին։
Եկեղեցւոյ հոգեւոր հովիւներ՝
- Տ․ Գուրգէն Քհնյ․ Յովհաննէսեան
- Տ․ Օշին Ա. Քհնյ․ Գէորգեան
- Տ. Մաշտոց Քհնյ. Արապաթլեան
- Տ. Դանիել Քհնյ. Մանճիկեան
- Տ. Սամուէլ Քհնյ. Աճէմեան
- Տ. Միքայէլ Քհնյ․ Տէմիրճեան (Այժմու Հոգեւոր հովիւ):
Ս․ Վարդանանց Եկեղեցւոյ այժմու Թաղական խորհուրդի անդամներն են՝ Յովհաննէս Պիլէմճեան (ատենապետ), Յովսէփ Յովսէփեան, Յակոբ Գալայճեան, Վարդան Սանթուրեան, Սարգիս Պէրղուտեան, Վարուժ Մարտիրոսեան եւ Յարութիւն Պալապանեան։
12 Մարտ 2023-ին, տեղի ունեցաւ Թաղական խորհուրդի ընտրութիւն: Նորընտիր Թաղական խորհուրդի անդամներն են՝ Յովհաննէս Պիլէմճեան (ատենապետ), Յովսէփ Յովսէփեան, Վարդան Սանթուրեան, Վարուժ Մարտիրոսեան եւ Սթիւ Աճէմեան:
